mine--
Good night, and joy be wi' ye a'!

OLD AND NEW TIMES.[102]

AIR--_"Kellyburn Braes."_

Hech! what a change hae we now in this town!
The lads a' sae braw, the lasses sae glancin',
Folk maun be dizzie gaun aye in the roun'
For deil a haet 's done now but feastin' and dancin'.

Gowd 's no that scanty in ilk siller pock,
When ilka bit laddie maun hae his bit staigie;
But I kent the day when there was nae a Jock,
But trotted about upon honest shank's naigie.

Little was stown then, and less gaed to waste,
Barely a mullin for mice or for rattens;
The thrifty housewife to the flesh-market paced,
Her equipage a'--just a gude pair o' pattens.

Folk were as good then, and friends were as leal,
Though coaches were scant, wi' their cattle a-cantrin';
Right air we were tell 't by the housemaid or chiel',
Sir, an' ye please, here 's your lass and a lantern.

The town may be clouted and pieced, till it meets
A' neebours benorth and besouth, without haltin';
Brigs may be biggit ower lums and ower streets,
The Nor' Loch itsel' heaped heigh as the Calton.

But whar is true friendship, and whar will you see,
A' that is gude, honest, modest, and thrifty?
Tak' gray hairs and wrinkles, and hirple wi' me,
And think on the seventeen hundred and fifty.

[102] Contributed to the fourth volume of Mr George Thomson's
Collection.

BANNOCKS O' BARLEY MEAL.[103]

AIR--_"Bannocks o' Barley Meal."_

Argyle is my name, and you may think it strange
To live at a court, and yet never to change;
To faction, or tyranny, equally foe,
The good of the land 's the sole motive I know.
The foes of my country and king I have faced,
In city or battle I ne'er was disgraced;
I 've done what I could for my country's weal,
Now I 'll feast upon bannocks o' barley meal.

Ye riots and revels of London, adieu!
And folly, ye foplings, I leave her to you!
For Scotland, I mingled in bustle and strife;
For myself, I seek peace and an innocent life:
I 'll haste to the Highlands, and visit each scene,
With Maggie, my love, in her rockley o' green;
On the banks of Glenary what pleasure I 'll feel,
While she shares my bannock o' barley meal!

And if it chance Maggie should bring me a son,
He shall fight for his king, as his father has do