Poems" was published at London in a
thin octavo volume.

MY WEE, WEE WIFE.

AIR--_"The Boatie Rows."_

My wee wife dwells in yonder cot,
My bonnie bairnies three;
Oh! happy is the husband's lot,
Wi' bairnies on his knee.
My wee, wee wife, my wee, wee wife,
My bonnie bairnies three;
How bright is day how sweet is life!
When love lights up the e'e.

The king o'er me may wear a crown,
Have millions bow the knee,
But lacks he love to share his throne,
How poor a king is he!
My wee, wee wife, my wee, wee wife,
My bonnie bairnies three,
Let kings ha'e thrones, 'mang warld's strife,
Your hearts are thrones to me.

I 've felt oppression's galling chain,
I 've shed the tear o' care,
But feeling aye lost a' its pain,
When my wee wife was near.
My wee, wee wife, my wee, wee wife,
My bonnie bairnies three,
The chains we wear are sweet to bear,
How sad could we go free!

O POVERTY!

AIR--_"The Posie."_

Eliza was a bonnie lass, and oh! she lo'ed me weel,
Sic love as canna find a tongue, but only hearts can feel;
But I was poor, her faither doure, he wadna look on me;
O poverty! O poverty! that love should bow to thee.

I went unto her mother, and I argued and I fleech'd,
I spak o' love and honesty, and mair and mair beseech'd;
But she was deaf to a' my grief, she wadna look on me;
O poverty! O poverty! that love should bow to thee.

I next went to her brother, and I painted a' my pain,
I told him o' our plighted troth, but it was a' in vain;
Though he was deep in love himsel', nae feeling he'd for me;
O poverty! O poverty! that love should bow to thee.

Oh! wealth it makes the fool a sage, the knave an honest man,
And canker'd gray locks young again, if he has gear and lan';
To age maun beauty ope her arms, though wi' a tearfu' e'e;
O poverty! O poverty! that love should bow to thee.

But wait a wee, oh! love is slee, and winna be said nay,
It breaks a' chains, except its ain, but it will ha'e its way;
In spite o' fate we took the gate, now happy as can be;
O poverty! O poverty! we're wed in spite o' thee.

NANNY.

AIR--_"Fee him, Father."_

There 's mony a flower beside the rose,
And sweets beside the honey;
But laws maun change ere life disclose
A flower or sweet like Nanny.
H