ne gone, daddy. I shed da gett, I hol' um fas'. B'er Rabbit bin
show 'e toof; 'e gwan fer bite-a me troo un troo. I git skeer', daddy.'
Man ahx:--
"'How 'e gwin fer bite you troo un troo, wun 'e toof fix bite grass?
B'er Rabbit tell one big tale. 'E no kin bite-a you. Wun 'e come 'g'in,
you shed dem gett, you hol' um tight, you no le'm go pas' no mo'.' Lil
gal say yasser.
"Nex' day mawnin', Man go 'long 'bout 'e wuk. Lil gal, 'e play 'roun',
un 'e play 'roun'. B'er Rabbit, 'e is come tippy-tippy. 'E fine gett
open; 'e slip in da geerden. 'E chew dem pea, 'e gnyaw dem pea; 'e eat
tel dem pea tas'e bad. Dun 'e try fer go out; gett shed fas'. 'E no kin
git troo. 'E push, gett no open; 'e keek wit' um fut, gett no open; 'e
butt wit' um head, gett no open. Dun 'e holler:--
"'Lil gal, lil gal! come y-open da gett. 'E berry bad fer fool wit' ole
man lak me. I no kin hol' me feelin' down wun you is do lak dis. 'E
berry bad.'
"Lil gal hol' 'e head down; 'e no say nuttin'. B'er Rabbit say:--
"'Be shame, lil gal, fer do ole man lak dis. Me feelin' git wusser. Come
y-open de gett 'fo' I is teer um down.'
"Lil gal say: 'Daddy say mus'n'.'
"B'er Rabbit open 'e y-eye wide; 'e is look berry mad. 'E say:--
"'See me big y-eye? I pop dis y-eye stret at you, me kill-a you dead.
Come y-open da gett 'fo' me y-eye pop.'
"Lil gal skeer fer true. 'E loose de gett, 'e fair fly. B'er Rabbit done
_gone_! Lil gal daddy bahk. 'E ahx wey is B'er Rabbit. Lil gal say:--
"''E done gone, daddy. I hol' gett fas'; 'e is bin-a 'come berry mad. 'E
say he gwan pop 'e y-eye at me, shoot-a me dead.' Man say:--
"'B'er Rabbit tell-a too big tale. How 'e gwan shoot-a you wit' 'e
y-eye? 'E y-eye sem lak turrer folks y-eye. Wun 'e come some mo', you
shed dem gett, you hol' um fas'.' Lil gal say yasser.
"Nex' day mawnin', Man go, B'er Rabbit come. 'E is ma'ch in da gett un
eat-a dem pea tel 'e kin eat-a no mo'. 'E sta't out; gett shed. 'E no
kin come pas'. 'E shek, 'e push, 'e pull; gett shed. Dun 'e holler:--
"'Lil gal, lil gal! come y-open da gett. 'Tis berry bad fer treat you'
kin lak dis. Come y-open da gett, lil gal. 'Tis full me up wit' sorry
wun you do lak dis.'
"Lil gal, 'e no say nuttin'. B'er Rabbit say:--
"''E berry bad fer treat you' kin lak dis. Tu'n go da gett, lil gal.'
Lil gal say:--
"'How you is kin wit' me, B'er Rabbit?'
"'You' gran'daddy foller at' me nuncle wit' 'e dog. Da mek we is kin.
Come y-open da gett, l
|