FREE BOOKS

Author's List




PREV.   NEXT  
|<   54   55   56   57   58   59   60   61   62   63   64   >>  
x al mi skui vian konsciencon. Cxar moralan senton vi tamen havas? Aux, respondu, -- eble vi neniun havas? NORA. Nu, Torvald, ne estas facile respondi al tio. Mi ja tute ne scias. Tiuj aferoj estas komplete malklaraj por mi. Mi nur scias, ke mi havas tute alian opinion pri tiaj demandoj, ol vi. Jxus mi ja ankaux auxdis, ke la legxoj estas aliaj, ol mi opiniis; sed ke tiuj legxoj estu gxustaj, tiun ideon mi ne kapablas enigi en mian kapon. Virino do ne rajtus sxirmi sian mortantan patron, aux savi la vivon de sia edzo! Tian opinion mi ne fidas. HELMER. Vi parolas kiel infano. Vi ne komprenas la socion en kiu vi vivas. NORA. Ne, mi ne komprenas. Sed nun mi volas studi gxin. Mi devas provi eltrovi kiu pravas, la socio aux mi. HELMER. Vi estas malsana, Nora; vi havas febron; mi preskaux kredas, ke vi perdis vian prudenton. NORA. Mi neniam antauxe sentis min tiel klara kaj certa kiel cxi-nokte. HELMER. Kaj klare kaj certe vi forlasas vian edzon kaj viajn infanojn? NORA. Jes; mi faras. HELMER. Do nur unu klarigo estas ebla. NORA. Kiu? HELMER. Vi ne plu amas min. NORA. Nu jes, tiel estas. HELMER. Nora! -- Kaj tion vi diras! NORA. Ho, tio doloras min, Torvald; vi estis ja cxiam bonkora al mi. Sed mi povas nenion pri tio fari. Mi ne plu amas vin. HELMER (kun perforta sinrego). Cxu ankaux tio estas klara kaj certa konvinko? NORA. Jes, tute klara kaj certa. Tial mi ne volas plu resti cxi tie. HELMER. Kaj cxu vi ankaux povos klarigi por mi, per kio mi perdis vian amon? NORA. Jes, mi povas. Okazis cxi tiun vesperon, kiam la mirindajxo ne venis; cxar tiam mi vidis, ke vi ne estas tiu viro, kiun mi imagis. HELMER. Klarigu pli precize; mi ne komprenas vin. NORA. Mi atendis pacience dum ok jaroj; cxar, bona Dio, mi komprenis ja, ke la mirindajxo ne estas ia cxiutaga okazajxo. Sed jen frakasante ondis tio cxi super min; kaj tiam mi estis absolute certa ke: Nun venas la mirindajxo. Kiam la letero de Krogstad kusxis tie, -- mi neniam havis la penson, ke vi volus klini vin sub la kondicxojn de tiu homo. Mi estis tiom firme certa, ke vi dirus al li: Publikigu la aferon por la tuta mondo. Kaj post tio -- HELMER. Jes, kaj kio poste? Kiam mi estus fordoninta al honto kaj malhonoro mian propran edzinon --! NORA. Kiam tio estus okazinta, tiam mi pensis, absolute certe, ke vi ekstarus por preni cxion sur vin kaj dirus: Mi estas kulpa. HELMER. Nora --! NORA. Vi pensas, ke mi neniam volus ak
PREV.   NEXT  
|<   54   55   56   57   58   59   60   61   62   63   64   >>  



Top keywords:

HELMER

 

neniam

 

mirindajxo

 

ankaux

 

komprenas

 

absolute

 

Torvald

 
legxoj
 

perdis

 

opinion


pacience
 

imagis

 

atendis

 

Klarigu

 
precize
 
vesperon
 

konvinko

 

sinrego

 

perforta

 

Okazis


klarigi

 

frakasante

 

fordoninta

 

malhonoro

 
Publikigu
 

aferon

 

propran

 
edzinon
 

pensas

 

okazinta


pensis

 

ekstarus

 

okazajxo

 

cxiutaga

 

komprenis

 

kondicxojn

 

penson

 

letero

 
Krogstad
 

kusxis


rajtus

 

sxirmi

 

Virino

 

kapablas

 

mortantan

 

patron

 

senton

 

parolas

 
gxustaj
 

aferoj