plaid;
For he's aye true, &c.

When the dews begin to fauld the flowers, and the gloamin' shades draw on,
When the star comes stealing through the sky, and the kye are on the loan,
He whistles through the glen sae sweet, the heart is lighter made
To ken the laddie hameward hies who wears the crook and plaid;
For he's aye true, &c.

Beneath the spreading hawthorn gray, that's growing in the glen,
He meets me in the gloamin' aye, when nane on earth can ken,
To woo and vow, and there I trow, whatever may be said,
He kens aye unco weel the way to row me in his plaid;
For he's aye true, &c.

The youth o' mony riches may to his fair one ride,
And woo across the table cauld his madam-titled bride;
But I'll gang to the hawthorn gray, where cheek to cheek is laid,
Oh! nae wooers like the laddie that rows me in his plaid;
And he's aye true, &c.

To own the truth o' tender love what heart wad no comply,
Since love gives purer happiness than aught aneath the sky?
If love be in the bosom, then the heart is ne'er afraid;
And through life I'll love the laddie that wears the crook and plaid;
For he's aye true, &c.

THE MINSTREL'S BOWER.

AIR--_"Bonnie Mary Hay."_

Oh, lassie! if thou'lt gang to yonder glen wi' me,
I'll weave the wilds amang a bonnie bower for thee;
I'll weave a bonnie bower o' the birks and willows green,
And to my heart thou'lt be what nae other e'er has been.

When the dew is on the flower, and the starlight on the lea,
In the bonnie green-wood bower I'll wake my harp to thee;
I'll wake my hill-harp's strain, and the echoes o' the dell
Shall restore the tales again that its notes o' love shall tell.

Oh, lassie! thou art fair as the morning's early beam,
As the image of a flower reflected frae the stream;
There's kindness in thy heart, and there's language in thine e'e,
But ah! its looks impart nae sweet tale o' love to me!

Oh, lassie! wert thou mine I wad love thee wi' such love
As the lips can ne'er define, and the cold can never prove;
In the bower by yonder stream our happy home should be,
And our life a blissful dream, while I lived alone for thee.

When I am far away my thoughts on thee shall rest,
Allured, as by a ray, frae the dwellings o' the blest;
For beneath the clouds o' de