ation; for there is not one word of it
in Mr. Locke's complimentary performance. My readers will, I have no
doubt, like to be satisfied, by comparing them; and, at any rate, it may
entertain them to read verses composed by our great metaphysician, when
a Bachelor in Physick.

AUCTORI, IN TRACTATUM EJUS DE FEBRIBUS.

Febriles aestus, victumque ardoribus orbem
Flevit, non tantis par Medicina malis.
Nam post mille artes, medicae tentamina curae,
Ardet adhuc Febris; nec velit arte regi.
Praeda sumus flammis; solum hoc speramus ab igne,
Ut restet paucus, quem capit urna, cinis.
Dum quaerit medicus febris caussamque, modumque,
Flammarum & tenebras, & sine luce faces;
Quas tractat patitur flammas, & febre calescens,
Corruit ipse suis victima rapta focis.
Qui tardos potuit morbos, artusque trementes,
Sistere, febrili se videt igne rapi.
Sic faber exesos fulsit tibicine muros;
Dum trahit antiquas lenta ruina domos.
Sed si flamma vorax miseras incenderit aedes,
Unica flagrantes tunc sepelire salus.
Fit fuga, tectonicas nemo tunc invocat artes;
Cum perit artificis non minus usta domus.
Se tandem _Sydenham_ febrisque Scholaeque furori
Opponens, morbi quaerit, & artis opem.
Non temere incusat tectae putedinis [putredinis] ignes;
Nec fictus, febres qui fovet, humor erit.
Non bilem ille movet, nulla hic pituita; Salutis
Quae spes, si fallax ardeat intus aqua?
Nec doctas magno rixas ostentat hiatu,
Quis ipsis major febribus ardor inest.
Innocuas placide corpus jubet urere flammas,
Et justo rapidos temperat igne focos.
Quid febrim exstinguat, varius quid postulet usus,
Solari aegrotos, qua potes arte, docet,
Hactenus ipsa suum timuit Natura calorem,
Dum saepe incerto, quo calet, igne perit:
Dum reparat tacitos male provida sanguinis ignes,
Praslusit busto, fit calor iste rogus.
Jam secura suas foveant praecordia flammas,
Quem Natura negat, dat Medicina modum.
Nec solum faciles compescit sanguinis aestus,
Dum dubia est inter spemque metumque salus;
Sed fatale malum domuit, quodque astra malignum
Credimus, iratam vel genuisse _Stygem_.
Extorsit _Lachesi_ cultros, Pestique venenum
Abstulit, & tantos non sinit esse metus.
Quis tandem arte nova domitam mitescere Pestem