nodo declaravit ut pium; hoc idem institutum
novissime fuerunt, qui per pravas interpretationes, tum privatis {337}
sermonibus, tum scriptis etiam typis in lucem editis irreligiosum, et
impium appellare, contumeliis lacerare, probo et ignominia afficere non
sunt veriti, atque eo devenerunt, ut privata sua non contenti opinione,
hujusmodi virus de regione in regionem, nullis non adhibitis artibus,
derivare, atque undequaque diffundere sint aggressi, neque adhuc cessant,
incautis, si quos inveniant, Christi fidelibus, ut in proprios pertrahant
sensus, subdole propinare: quo in ecclesiam Dei nihil injurium magis, nihil
contumeliosius, quasi adeo erraverit turpiter, ut, quod impium, et
irreligiosum est, solemniter existimaverit Deo carum et pium, eoque decepta
sit flagitiosius, quo diuturnius, ad annos scilicet amplius ducentos, cum
maximo animarum detrimento, sinui suo tantam haerere labem, et maculam
sustinuerit. Huic tanto malo, quod eo longius dissimulatum, tanto altius
radices agit, viresque acquirit in dies, diutius differre remedium,
justitia, quae sua cuique asserere et fortiter tueri jubet, et pastoralis
nostra erga ecclesiam sollicitudo non sinit.

Ut igitur tam gravem injuriam a sponsa ecclesia divinitus nobis concredita,
atque etiam ab hac apostolica sede propulsemus, et hujusmodi injustas,
irreligiosasque voces in animarum perniciem, et seductionem, et contra
omnes aequi, bonique rationes longe lateque diffusas, nostra authoritate
apostolica compescamus; ut clericis regularibus societatis Jesu, id a nobis
pro justitia exigentibus, suus maneat status, eadem nostra authoritate
firmius constabilitus; eorumque nunc temporis summe afflictis rebus aliquod
afferamus levamen: ut demum venerabilium fratrum nostrorum episcoporum, qui
ex omnibus regionibus catholicis eandem societatem nobis per litteras {338}
magnopere commendarunt, et ex ea maximas utilitates in suis quisque
dioecesibus se capere profitentur, justis desideriis obsecundemus; motu
proprio, et ex certa scientia, deque apostolicae potestatis plenitudine,
omnium praedecessorum nostrorum inhaerendo vestigiis, hac nostra perpetuo
valitura constitutione, eodem modo, ratione et forma, quibus ipsi
edixerunt, et declararunt, nos quoque edicimus, et declaramus; institutum
societatis Jesu summopere redolere pietatem et sanctitatem, tum ob
praecipuum finem, quo maxime spectat, defensionem scilicet, propagationemque
catholicae religionis, tum ob media, quae adhibet ad ej