cationem forestariorum et viridariorum
Forestae praedictae de bosco et maeremio domini Regis super vasta et
communia Forestae praedictae crescentibus de tempore in tempus capere et
percipere potest. Et quod forestarii et viridarii Forestae praedictae
post requisitionem per ipsum Willielmum Skynne eisdem factam apud Curiam
domini Regis infra Forestam praedictam tentam vocatam Le Speech Court,
debent ire videre et appunctuare boscum et maeremium in vastis et
communibus Forestae praedictae sic ut praefertur crescentia praedictis
necessariis reedificationibus et reparationibus suis dicti mesuagii et
aliorum edificiorum suorum supradictorum et eidem Willielmo Skynne inde
allocationem facere. Clamat etiam pro necessariis estoveriis suis in
dicto antiquo mesuagio comburendis et expendendis ad libitum suum capere
de mortuis et siccis arboribus dicti domini Regis in vastis et communibus
locis Forestae praedictae existentibus. Clamat etiam communiam pasturae
in omnibus locis apertis et communicalibus Forestae praedictae pro
omnibus averiis suis communicalibus super terras et tenementa sua
praedicta levantibus et cubantibus omnibus anni temporibus (mense vetito
solummodo excepto). Clamat etiam habere pawnagium pro omnibus porcis
suis super terras et tenementa sua praedicta levantibus et cubantibus in
omnibus vastis Forestae praedictae tempore pawnagii, Reddendo domino Regi
annuatim summam unius denarii pro pawnagio praedicto per nomen de
Swinesilver et non amplius. Et pro titulo ad has libertates privilegia
et franchesias sic ut praefertur superius per ipsum clamata, idem
Willielmus Skynne ulterius dicit quod ipse et omnes antecessores sui et
omnes illi quorum statum ipse nunc habet in mesuagio terra et tenementis
supradictis a tempore cujus contrarii memoria hominum non existit in
contrarium usi fuerunt et consueverunt de tempore in tempus facere sectam
ad Curiam dicti domini Regis et praedecessorum suorum Regum et Reginarum
Angliae apud Castrum suum Sancti Briavelli de tribus septimanis in tres
septimanas, ac etiam annuatim solvere feodo firmario domini Regis
Forestae praedictae pro tempore existenti vel ejus ballivo redditum octo
solidorum et octo denariorum ad usum dicti domini Regis. Ac etiam
annuatim solvere dicto feodo firmario vel ejus ballivo summam unius
denarii in nomine de Swinesilver ad usum dicti domini Regis. Et quod
ipse praefatus Willielmus Skynne et omnes antecessores et omnes ili
quorum statum ipse nunc hab