t of the ups and downs--the trials, the
joys, and sorrows--which he had encountered in his worldly pilgrimage;
and, to preserve the interest of the history, I shall give it in David's
own idiom, and in his own words.

"I ne'er was a great traveller," David was wont to begin: "through the
length o' Edinburgh, and as far south as Newcastle, is a' that my legs
ken about geography. But I've had a good deal o' crooks and thraws, and
ups and downs, in the world for a' that. My faither was in the droving
line, and lived in the parish o' Coldstream. He did a good deal o'
business, baith about the fairs on the Borders, at Edinburgh market
every week, and sometimes at Morpeth. He was a bachelor till he was
five-and-forty, and he had a very decent lass keep'd his house, they
ca'd Kirsty Simson. Kirsty was a remarkably weel-faur'd woman, and a
number o' the farm lads round about used to come and see her, as weel as
trades' chields frae about Coldstream and Birgham--no that she gied them
ony encouragement, but that it was her misfortune to hae a gude-looking
face. So, there was ae night that my faither cam' hame frae Edinburgh,
and, according to his custom, he had a drap in his e'e--yet no sae
meikle but that he could see a lad or twa hingin' about the house. He
was very angry; and, 'Kirsty,' said he, 'I dinna like thae youngsters to
come about the house.'

"'I'm sure, sir,' said she, 'I dinna encourage them.'

"'Weel, Kirsty,' said he, 'if that's the way, if ye hae nae objections,
I'll marry ye mysel'.'

"'I dinna see what objections I should hae,' said she, and, without ony
mair courtship, in a week or twa they were married; and, in course o'
time, I was born. I was sent to school when I was about eight years
auld, but my education ne'er got far'er than the rule o' three. Before I
was fifteen, I assisted my faither at the markets, and in a short time
he could trust me to buy and sell. There was one very dark night in the
month o' January, when I was little mair than seventeen, my faither and
me were gaun to Morpeth, and we were wishing to get forward wi' the
beasts as far as Whittingham; but just as we were about half a mile doun
the loanin' frae Glanton, it cam' awa ane o' the dreadfu'est storms that
e'er mortal was out in. The snaw literally fell in a solid mass, and
every now and then the wind cam' roarin' and howlin' frae the hills, and
the fury o' the drift was terrible. I was driven stupid and half
suffocated. My faither