lessyd be ye folowynge my trace
Blessyd be ye louynge trybulacyon
Blessyd be ye not wyllynge to trespace
Blessyd be ye of my castycacyon
Blessyd be ye of good operacyon
Blessyd be ye vnto me ryght kynde
Blessyd be you whiche haue me in your mynde
Blessyd be ye leuynge yll company
Blessyd be ye hauntynge the vertuous
Blessyd be ye that my name magnefy
Blessyd be ye techynge the vycyous
Blessyd be ye good and relygyous
Blessyd be ye in the lyfe temperall
Whiche applye yourselfe to Ioye celestyall
The brytyll worlde ryght often transmutable
Who wyll in it his lyfe in tyme well spende
Shall Ioye attayne after inestymable
For in the worlde he must fyrst condyscende.
To take grete payne as his power wyll extende
Agaynst the worlde the flesshe and the deuyll
By my grete grace for to withstande theyr euyll
For who can be a gretter fole than he
That spendeth his tyme to hym vncertayne
For a breuyat pleasure of worldly vanyte
Than after that to haue eternall payne
Who of the worlde delyteth and is fayne
Shall after sorowe and cry ve ve
In an other worlde quante sunt tenebre
Who is wyser than he that wyll applye
In the worlde to take payne by due dylygence
After shorte payne to come to grete glorye
Whiche is eterne moost hye of excellence
Where he shall se my grete magnyfycence
With many aungelles whiche for theyr solace
Insacyately do beholde my face
Regarde no Ioye of the erthly consystory
For lyke as Phebus dothe the snowe relente
So passeth the Ioyes of the worlde transytory
Tyme renneth fast tyll worldly lyfe be spente
Consyder this in your entendemente
Blessed be they that my worde do here
And kepe it well, for they are to me dere
Therfore good brederne your hertes enclyne
To loue and drede me that am omnipotent
Bothe god and man in Ioye celestyne
Beholde my body all to torne and rente
With your spytefull othes cruell and vyolent
I loue you ye hate me ye are to harde herted
I helpe you ye tere me lo how for you I smerted
Mercy and peace dyde make an vnyte
Bytwene you and me but trouthe & ryghtwysnesse
Do nowe complayne byddynge my godheed se
How that ye breke the lege of sothfastnesse
They tell me that by Iustyce doubtelesse
I must take vengeaunce vpon you sykerly
That by your swerynge, agayne me crucefye
For at the request of good mercy and peace
I haue forborne you longe and
|