For here ye shanno win in;
Gae drown ye in the raging sea,
Or hang on the gallows-pin.'

17.
When the cock had crawn, and day did dawn,
And the sun began to peep,
Then it raise him Love Gregor,
And sair, sair did he weep.

18.
'O I dream'd a dream, my mother dear,
The thoughts o' it gars me greet,
That Fair Annie of Rough Royal
Lay cauld dead at my feet.'

19.
'Gin it be for Annie of Rough Royal
That ye make a' this din,
She stood a' last night at this door,
But I trow she wan no in.'

20.
'O wae betide ye, ill woman,
An ill dead may ye die!
That ye woudno open the door to her,
Nor yet woud waken me.'

21.
O he has gone down to yon shore-side,
As fast as he could fare;
He saw Fair Annie in her boat
But the wind it toss'd her sair.

22.
And 'Hey, Annie!' and 'How, Annie!
O Annie, winna ye bide?'
But ay the mair that he cried 'Annie,'
The braider grew the tide.

23.
And 'Hey, Annie!' and 'How, Annie!
Dear Annie, speak to me!'
But ay the louder he cried 'Annie,'
The louder roar'd the sea.

24.
The wind blew loud, the sea grew rough,
And dash'd the boat on shore;
Fair Annie floats on the raging sea,
But her young son raise no more.

25.
Love Gregor tare his yellow hair,
And made a heavy moan;
Fair Annie's corpse lay at his feet,
But his bonny young son was gone.

26.
O cherry, cherry was her cheek,
And gowden was her hair,
But clay cold were her rosey lips,
Nae spark of life was there.

27.
And first he's kiss'd her cherry cheek,
And neist he's kissed her chin;
And saftly press'd her rosey lips,
But there was nae breath within.

28.
'O wae betide my cruel mother,
And an ill dead may she die!
For she turn'd my true-love frae the door,
When she came sae far to me.'

[Annotations:
10.3: 'warlock,' wizard, magician.
18.2: 'gars me greet,' makes me weep.]

HIND HORN

+The Text+ is from Motherwell's MS., written from the recitation of a
Mrs. King of Kilbarchan.

+The Story+ of the ballad is a mere remnant of the story told in the
Gest of King Horn, preserved in three manuscripts, the oldest of which
belongs to the thirteenth century. Similar stories are given in a French
romance of the fourteenth century, and an English manuscript of the same
date. The complete story in the Gest may be cond